İspaniyanın Pontevedra şəhərində keçirilən güləş üzrə U-20 dünya çempionatı davam edir.

Apasport.az xəbər verir ki, yarışın 4-cü günündə qadın güləşçilər döşək üzərinə çıxacaq.

Azərbaycanın 2 pəhləvanı 1/8 final mərhələsində mübarizəyə başlayacaq. Əsmər Cankurtaranın (53 kq) ilk mərhələdə rəqibi Sofiia Marçenko (Ukrayna) – Hava Konca (Türkiyə) cütünün qalibi olacaq.

Günay Qurbanova (62 kq) ilk görüşündə Kandelo Kastro (İspaniya) – Annatina Kendra (İsveçrə) görüşünün qalibi ilə üz-üzə gələcək.

Qeyd edək ki, Azərbaycan yığması mundialda 25 idmançı ilə təmsil olunur. Dünya çempionatına sentyabrın 8-də yekun vurulacaq.

• Azərbaycanın sərbəst güləş millilərində yeni məşqçi təyinatları olub
• Millinin baş məşqçisi Vyetnamda təlim keçib
• Azərbaycanın güləş yığmaları hazırlıqları müxtəlif bölgələrdə davam etdirirlər
• Azərbaycan Güləş Federasiyasında tibbi məsələlərlə bağlı iclas keçirilib
• Azərbaycan Güləş Federasiyasının Texniki və Hakimlər Komitəsinə yeni üzvlər seçilib