Albaniyanın paytaxtı Tiranada keçirilən dünya çempionatında yunan-Roma güləşi üzrə yarışa yekun vurulub.

Apasport.az xəbər verir ki, millimiz Azərbaycan güləş tarixində yeni səhifə açıb. 

3 qızıl medal qazanan yığmamız 85 xalla dünya çempionu olub. Titulunu qoruyan komandamız ardıcıl 2-ci dəfə bu uğura imza atıb. Azərbaycan ən yaxın izləyicisi olan İranı 34 xal qabaqlayıb.  

Millimiz bu uğurla Azərbaycan güləşində eyni anda 2 rekordu yeniləyib. 

İkinci dəfə dünya çempionluğu kubokunu qazanmaqla böyüklər arasında güləş növlərimiz arasında ilkə imza atan yunan-Roma millimiz həm də bir DÇ-də 3 qızıl medal qazanan ilk komandamız olub.

Xatırladaq ki, Albaniyada Eldəniz Əzizli (55 kq), Nihat Məmmədli (63 kq) və Ülvü Qənizadə (72 kq) dünya çempionu olub. Onların hər biri komandanın hesabına 25 xal yazdırıb. DÇ-də debüt edən Qurban Qurbanov (82 kq) isə 5-ci yeri tutub və millimizə 10 xal qazandırıb.

• Azərbaycan güləşçisi Ülviyyə Musayeva Avropa çempionatında finala yüksəlib
• Samokovda növbəti Avropa çempionatı başlayır
• Avropa çempionları: “Vətəndə çempion olmaq üçün əlimizdən gələni edəcəyik”
• Azərbaycanın iki sərbəst güləşçisi Rusiyadakı turnirdə bürünc medal qazanıb
• Millimiz Avropa ikincisi oldu