"Azərbaycanda kanoe və avarçəkmə idman növünə gənclərin, yeniyetmələrin marağı artır".

Apasport.az xəbər verir ki, bunu Mərkəzi Aran Regional Gənclər və İdman İdarəsinin rəisi Azad Gözəlov akademik avarçəkmə, kayak və kanoe üzrə beynəlxalq “Mingəçevir reqatası-2024”dən əvvəl deyib.

Qurum rəsmisi turnir təşkilatçılarına təşəkkür edib: 

"Yarışların keçirilməsi dostluq ənənəsini xatırladır. Turnirin təşkilində əziyyəti olan hər kəsə təşəkkür edirəm. Bütün idmançılara uğurlar arzulayıram".

Azərbaycan Kanoe və Avarçəkmə Federasiyasının (AKAF) baş katibi Fərhad Əliyev də öz növbəsində idmançılara uğurlar arzulayıb, yarışın ümumi proqramını açıqlayıb.

Qeyd edək ki, oktyabrın 18-də Mingəçevir “Kür” Olimpiya Tədris-İdman Mərkəzində reqatanın final yarışları və bağlanış mərasimi keçiriləcək.

• Azər İlyasov Açıq Litva çempionatında mübarizə aparacaq
• Azərbaycan avarçəkənləri Litvada keçiriləcək beynəlxalq reqatada iştirak edəcəklər
• Avarçəkmə və kanoe üzrə açıq Bakı birinciliyi keçiriləcək
• Azərbaycan kanoeçisi Boqdan Kurudz Portuqaliyada ikinci qızıl medalını qazanıb
• Təmsilçimiz Avropa çempionatında qızıl medal qazanıb