XVIII Avropa Gənclər Yay Olimpiya Festivalı çərçivəsində keçirilən taekvondo yarışları davam edir. 

Apasport.az xəbər verir ki, bu gün komandamızın daha iki üzvü dayanq üzərinə çıxıb.

Təəssüf ki, hər iki idmançımız mübarizəni erkən dayandırıb. Komandamızın xanım bayraqdarı Humay Dadaşova (49 kq) 1/32 finalda xorvatiyalı Dora Radikə məğlub olub.

Digər idmançımız Xuraman Cavadzadə (44 kq) isə Vircinia Lampisə  (İtaliya) uduzaraq festivaldakı çıxışı yekunlaşdırıb. 

Qeyd edək ki, bu gün mübarizəyə başlayan digər idmançımız Mehdi Budaqlı (48 kq) isə 1/6 finalda ermənistanlı Sergey Davtyana qalib gələrək növbəti mərhələyə vəsiqə qazanıb.

• Millimizin baş məşqçisi: “Bu nəticə Azərbaycan taekvondosu üçün böyük uğurdur”
• Taekvondoçumuz dünya üçüncüsü olub
• Dünya reytinq cədvəli açıqlandı - PARATAEKVONDOÇUMUZ ZİRVƏDƏ
• Hikmət Səmədov Dünya Taekvondo Federasiyasının Baş Assambleyasında iştirak edib - FOTO
• Azərbaycanın 9 taekvondoçusu dünya çempionatında çıxış edəcək