Azərbaycanı voleybol üzrə avrokubokların 2026/2027 mövsümündə dörd komanda təmsil edəcək.

Apasport.az xəbər verir ki, bu barədə Azərbaycan Voleybol Federasiyasının mətbuat xidməti məlumat yayıb.

Yeni mövsümdə Avropa arenasında iki qadın və iki kişi komandamız mübarizə aparacaq.

Son ölkə çempionları "Turan" və "Xilasedici" klubları Çempionlar Liqasında çıxış edəcəklər. Çempionatın gümüş mükafatçıları "DH Volley" və "Ordu" komandaları isə Çelenc Kubokunda uğur qazanmağa çalışacaqlar.

Qeyd edək ki, avrokubokların püşkatma mərasimi iyulun 15-də onlayn formatda keçiriləcək.

• Voleybol üzrə Avropa çempionatının açılış mərasimi keçirilib - FOTO
• Azərbaycanlı hakim voleybol üzrə Avropa çempionatına təyinat alıb
• Millimizin Avropa çempionatı üçün yekun heyəti bəlli olub
• Bakıda keçiriləcək voleybol üzrə Avropa çempionatının maskotları bəlli olub
• Avropa çempionatının hakimləri açıqlanıb