Estoniyanın paytaxtı Tallinndə keçirilən 18 yaşadək oğlan basketbolçular arasında Avropa çempionatının B divizionunda növbəti oyunlar baş tutub. Apasport.az saytının məlumatına görə, C qrupunda çıxış edən Azərbaycan millisi İsraillə görüşüb.

İlk 4 qarşılaşmada məğlubiyyətləri sıralayan komandamız bu dəfə də biabırçılıqdan qaça bilməyib. Samit Nuruzadənin yetirmələri 49:80 (12:21, 10:27, 13:17, 14:15) hesabı ilə uduzublar.

Beləliklə, bütün oyunları məğlubiyyətlə başa vuran təmsilçimiz qrupda sonuncu yeri tutub. Buna baxmayaraq, komandamız 17-24-cü yerlər üçün mübarizəni davam etdirəcək. Basketbolçularımız sabah İsveçrə ilə üz-üzə gələcək.

Qeyd edək ki, komandamız ilk 4 turda Portuqaliya (45:75), Polşa (47:73), Rumıniya (50:68) və Avstriyaya (71:82) məğlub olub.

• Çempionlar Liqası: “Turan”ın oyunu canlı yayımlanacaq
• Millimiz Avropa çempionatına məğlubiyyətlə başladı - YENİLƏNİB
• Superliqanın 2026/2027 mövsümünə sabah start veriləcək
• Eldar Zülfüqarov Avropa çempionatında hakimlik edəcək
• Azərbaycan və Gürcüstan voleybol federasiyaları əməkdaşlığı genişləndirməyi müzakirə ediblər