Qadın voleybolçular arasında klublararası dünya çempionatına başa çatıb. Apasport.az saytının məlumatına görə, Yaponiyanın Kobe şəhərində keçirilən mundialın qalibi adını Türkiyənin “Vakıfbank” klubu qazanıb.

“Rexona Sesc”i (Braziliya) qrupda 3:1 hesabı ilə məğlub edən İstanbul təmsilçisi finalda 3:0 (25:19, 25:21, 25:21) hesabı ilə qalib gəlib.

Bürünc medal uğrunda matçda isə Azərbaycan millisinin sabiq hücumçusu Natalya Məmmədovanın kapitanı olduğu İsveçrə “Volero”su qələbə qazanıb. Onlar İstanbulun digər təmsilçisi – “Əczaçıbaşı”ndan üstün olublar – 3:2 (25:22, 25:15, 22:25, 23:25, 15:12).

Qeyd edək ki, 11 dəfə keçirilən yarışda Azərbaycanın “Rabitə” klubu 2 dəfə təmsil olunub. Artıq mövcud olmayan komanda 2011-ci ildə mundialın qalibi olduğu halda, 1 il sonra gümüş medalla kifayətlənib. 

• Çempionlar Liqası: “Turan”ın oyunu canlı yayımlanacaq
• Millimiz Avropa çempionatına məğlubiyyətlə başladı - YENİLƏNİB
• Superliqanın 2026/2027 mövsümünə sabah start veriləcək
• Eldar Zülfüqarov Avropa çempionatında hakimlik edəcək
• Azərbaycan və Gürcüstan voleybol federasiyaları əməkdaşlığı genişləndirməyi müzakirə ediblər