Qadın voleybolçulardan ibarət Rusiya milli komandasının Azərbaycan və Gürcüstanda keçiriləcək Avropa çempionatına hazırlıq proqramı dəqiqləşib. Apasport.az saytının məlumatına görə, avqustun 3-dən məşqlərə başlayan şimal qonşularımızın məsul yarış toplanışı necə davam etdirəcəyi bəlli olub.

Vladimir Kuzyutkinin baş məşqçisi olduğu komanda Anapada keçdiyi hazırlığı avqustun 14-də yekunlaşdıracaq. Bundan sonra paytaxta dönəcək ruslar Moskva ətrafındakı Novoqorskda sentyabrın 2-dək təlim-məşq toplanışı keçəcək.

Sentyabrın 5-10-da Rusiya millisi Yaponiyanın paytaxtı Tokioda baş tutacaq beynəlxalq Çempionlar Kubokunda çıxış edəcək. Çin, ABŞ, Braziliya, Yaponiya və Cənubi Koreyanın da qatılacağı yarış ruslar üçün Avro-2017 ərəfəsi ciddi sınaq olacaq.

Qeyd edək ki, ruslar qitə çempionatında oyunlarını Bakıda keçirəcəklər. Onlar Türkiyə, Bolqarıstan və Ukrayna ilə eyni qrupda yer alıblar. 

• Çempionlar Liqası: “Turan”ın oyunu canlı yayımlanacaq
• Millimiz Avropa çempionatına məğlubiyyətlə başladı - YENİLƏNİB
• Superliqanın 2026/2027 mövsümünə sabah start veriləcək
• Eldar Zülfüqarov Avropa çempionatında hakimlik edəcək
• Azərbaycan və Gürcüstan voleybol federasiyaları əməkdaşlığı genişləndirməyi müzakirə ediblər