“Çelsi”nin hücumçusu Dieqo Kosta Londona qayıdıb. Apasport.az saytı “Marca” nəşrinə istinadən xəbər verir ki, təcrübəli futbolçu 3 aylıq fasilədən sonra “zadəganlar”ın düşərgəsinə dönüb.  

“Çelsi”nin baş məşqçisi Antonio Konte onu əsas komandada görmək istəmədiyindən, tərəflər arasında narazılıq yaranmışdı. Əvəzedici heyətlə məşq etməyə razılaşmayan Kosta bu səbəbdən İngiltərəyə qayıtmaq istəmirdi. Buna baxmayaraq, 28 yaşlı forvard yekunda klubun qərarını icra edib.

“Çelsi” rəhbərliyi Kostanın adını Premyer Liqanın iştirak ərizəsinə salsa da, onu Çempionlar Liqası üçün sifariş etməyib.

Qeyd edək ki, mövsümöncəsi hazırlıq prosesində iştirak etməyən Dieqo Kosta sabiq klubu “Atletiko”ya qayıtmağı planlaşdırırdı. Bu keçid yanvarda baş tuta bilər.

• Çempionlar Liqası: “Turan”ın oyunu canlı yayımlanacaq
• Millimiz Avropa çempionatına məğlubiyyətlə başladı - YENİLƏNİB
• Superliqanın 2026/2027 mövsümünə sabah start veriləcək
• Eldar Zülfüqarov Avropa çempionatında hakimlik edəcək
• Azərbaycan və Gürcüstan voleybol federasiyaları əməkdaşlığı genişləndirməyi müzakirə ediblər