Misli Premyer Liqasının XIII turu Davit Volkovun het-triki ilə əlamətdar olub. 

Apasport.az xəbər verir ki, Gürcüstanlı legioner “Sabah”ın “Turan Tovuz”la səfər oyununda vurduğu üç qolla komandasına 3:2 hesablı qələbəsində pay sahibi olub. 

28 yaşlı hücumçu bununla da “Sabah”ın tarixinə klubun Premyer Liqadakı ilk het-trikinin müəllifi kimi düşüb.

Volkovun özü isə çempionatda ikinci dəfə belə uğura imza atıb. 2021-ci il noyabrın 6-da “Zirə”nin forması ilə fərqlənən legioner indiki komandası “Sabah”ın qapısına üç qol vurub. 3:3 hesabı ilə bitən həmin matçda da Davit səfərdə het-trik edib.

Bununla da Volkov Azərbaycan çempionatlarında ən çox het-trik edən legioner statuslu futbolçulara çatıb. O, Əhməd Ticani, Junivan Suares, Anatoli Doroş, Bahodir Nasimov və Reynaldo Silvanın rekordunu təkrarlayıb.

“Turan Tovuz”la qarşılaşmadakı ikinci qol Volkovun Premyer Liqada 40-cı dəfə fərqlənməsi kimi tarixə düşüb. O, Azərbaycan çempionatlarında keçirdiyi 132 oyunda 41 qola sevinib. Davit “Qəbələ”də 7, “Zirə”də 20, “Sabah”da 14 dəfə rəqib qapısına yol tapıb.
 

• Böyük gərginlik: "Qalatasaray" TFF prezidentini istefaya çağırır
• Türkiyə üçün Ronaldo, Dibala və Bonuççinin formasını 5 milyona satdı
• “Formula 1” üzrə 2025-ci il Azərbaycan Qran-Prisinin vaxtı açıqlanıb
• Cəfərov millimizin AÇ-də "qızıl" həsrətinə son qoydu
• AMADA və Almaniyanın Milli Antidopinq Agentliyinin rəhbərliyi arasında görüş keçirilib