Qurban Qurbanov baş məşqçi karyerasında 400-cü qələbəsini qazanıb. 

Apasport.az saytının məlumatına görə, “Qarabağ”ın çalışdırıcısının yubileyi Misli Premyer Liqasının XXIX turuna təsadüf edib. 

“Kəpəz” üzərində 3:1 hesablı qələbə 51 yaşlı mütəxəssisə üç gün sonrakı ad günü öncəsi yubiley xarakteri daşıyıb. Bu, Qurbanovun baş məşqçi karyerasında 704-cü matçda qeydə alınıb. 

XXV turun “Qəbələ” ilə görüşündə 700-cü dəfə meydana komanda çıxaran mütəxəssis qısa müddətdə növbəti yubileyini gerçəkləşdirib. Hər iki görüşdə onun yetirmələri 3:1 hesabı ilə qalib gəlib. 704 qarşılaşmada 178 heç-heçə və 126 məğlubiyyət də qeydə alınıb.

Qurbanov karyerası ərzində üç komandaya – “Neftçi”, “Qarabağ” və Azərbaycan millisinə rəhbərlik edib. O, Ağdam klubu ilə 371, Bakı təmsilçisində 25, yığmada 4 uğura sevinib.

Qeyd edək ki, Qurbanovun baş məşqçi kimi ilk qələbəsi debüt matçına təsadüf edib. 2006-cı il avqustun 6-da onun rəhbərlik etdiyi “Neftçi” “Gənclərbirliyi” ilə ev oyununda 6:1 hesabı ilə qalib gəlib.
 

• DÇ-2024: Millimizin oyunlarının TƏQVİMİ
• Qurban Qurbanov: “Nə olursa-olsun əlimizdəki heyətlə bunlara hazır olmalıyıq“
• “Milan” İsveçrə millisinin üzvü ilə maraqlanır
• “Mançester Siti”ni gözləyən cəzalar – liqadan uzaqlaşdırılma, xalların silinməsi...
• Şamaxıda sülh, "Qarabağ" yenə xal itirdi - YENİLƏNİB