AFFA rəsmiləri Xorvatiyanın paytaxtı Zaqrebdə UEFA-nın təşkilatçılığı ilə keçirilən “Kütləvi futbolda dəyişkən oyun formatları və oyunçunun karyera yolu” mövzusunda seminarda iştirak edirlər.

Apasport.az qurumun rəsmi saytına istinadən xəbər verir ki, tədbirə qurumun Kütləvi Futbol Departamentinin rəhbəri Farrux İsmayılov, Futbolda Sosial Məsuliyyət meneceri Kifayət Mustafayeva və Kütləvi Futbol Departamentinin mütəxəssisi Orxan Mikayıllı qatılıblar.

Mayın 16-da başa çatacaq seminarda Azərbaycanla yanaşı, Xorvatiya, Çexiya, Farer Adaları, Macarıstan, Lüksemburq, Şimali İrlandiya, Şimali Makedoniya, Polşa, Portuqaliya, Slovakiya, Sloveniya, İspaniya, İsveçrə və Ukrayna təmsilçiləri də iştirak edir.

Toplantıda kütləvi futbolda müxtəlif oyun formatlarının tətbiqi, erkən yaşda uşaqların futbolda davamlı olaraq qala bilmələri, sosial məsuliyyətin kütləvi futbolda əhəmiyyətli rolu və digər mövzular haqqında müzakirələr aparılır.

• Neymardan 2-ci yer: 66 min mükafat 
• Beş azərbaycanlı yelkənçi Mərakeşdə keçiriləcək dünya çempionatına qatılacaq
• Futzal üzrə Azərbaycan millisinin dünya çempionatının əsas mərhələsində yer aldığı səbət bəlli olub
• “Arsenal” “Santos”un hücumçusuna elçi düşdü
• Elmar Baxşıyev: “Qara Qarayev bizə fayda verəcək”