“Səbail” daha bir əcnəbi futbolçu transferini açıqlayıb.

Apasport.az saytının məlumatına görə, Bakı klubu yarımmüdafiə xəttini argentinalı Franko Mazureklə gücləndirib.

Son mövsümü Kipr klubu “Etnikos”da keçirən 29 yaşlı pleymeyker paytaxt təmsilçisi ilə 1 illik müqavilə imzalayıb. “Boka Xuniors”un yetirməsi olan Mazurek karyerası ərzində Kiprlə yanaşı, Ekvador, Çili, Yunanıstan və Bolqarıstanda da legioner həyatı yaşayıb.

Qeyd edək ki, bu, “Səbail”in yay fasiləsində 7-ci transferi olub. Baş məşqçi postuna Mahmud Qurbanovu gətirən klub Ağabala Ramazanov, Emil Martinov, Qoba Zakpa, Luvaqa Kizito, Rafael Məhərrəmli və Qustavo Moreno de Françanı da heyətinə qatıb.

• “Bavariya”lı futbolçu “Barselona”nın təklifini rədd etdi
• Yay Olimpiya Oyunlarında Azərbaycanın Dövlət Himni səsləndirilib
• Dünya kuboku: Fətəliyeva növbəti mərhələdə, Balacayeva mübarizəni dayandırıb
• Portuqaliya-Çili matçında kütləvi dava - VİDEO
• Avropa Liqası: "Qarabağ" "Ayaks"a da uduzdu - YENİLƏNİB