Azərbaycan klubları avrokuboklarda 400-cü qolu vurub.

Apasport.az saytının məlumatına görə, yubiley “Qarabağ”ın “Ferensvaroş”la səfər matçına təsadüf edib.

Çempionlar Liqasının III təsnifat mərhələsinin Macarıstandakı cavab matçında (3:1) təmsilçimizin vurduğu son top Azərbaycan futbolu tarixinə 400-cü kimi düşüb. Bu qola İbrahima Vadji imza atıb.

Təmsilçilərimizin Avropadakı ilk qolunun müəllifi isə Yadigar Süleymanov olub. “Kəpəz”in futbolçusu 1995-ci il avqustun 22-də Vyanada “Austriya”nın (1:5) qapısına yol tapıb.

Qeyd edək ki, texniki nəticələr və nəticəsi ləğv olunan oyunlardakı qollar nəzərə alınmır. 

Vüqar Xeyrullayev

• Ramiz Məmmədov: "Neftçi" də, "Sabah" da öz sözünü deyəcək" - Müsahibə
• "Sabah"ın baş məşqçisi: "Xorvatiyada süni meydanda peşəkar futbol oynanılmır"
• İlin “qocaları” – 41-dən 45-ə
• MPL: V turun oyun cədvəli bəlli olub
• Slavko Georgiyevski: “Bir gün “Neftçi”nin baş məşqçisi olacağıma inanıram” - MÜSAHİBƏ