Misli Premyer Liqasında daha bir ayrılıq gündəmdə olub.

Apasport.az-ın əldə etdiyi məlumata görə, “Araz-Naxçıvan” Elmar Baxşıyevlə yollarını ayırmağı planlaşdırmış.

Klub rəhbərliyi 44 yaşlı mütəxəssislə vidalaşmaq niyyətində olub.

Lakin komandanın uğurlu nəticələri bu planın baş tutmasına imkan verməyib. “Ağ-qırmızılar”ın nümayiş etdirdiyi oyun rəhbərliyin planlarını pozub. Muxtar Respublika təmsilçisinin ötən turdakı qələbəsi isə demək olar ki, Baxşıyevin yerini bərkidib.

“Araz-Naxçıvan” bu mövsüm keçirdiyi 5 matçda yalnız bir məğlubiyyət alıb. Komanda “Qarabağ”a uduzub – 1:5. Ardınca Elmar Baxşıyevin yetirmələri növbəti 4 görüşdə 10 xal toplamağı bacarıb.

İndiki halda isə bu nəticələr mütəxəssisi istefaya göndərmək üçün kifayət etmir. Lakin komandanın düşəcəyi hər hansısa “uğursuzluq zolağı”nda Baxşıyevə böyük ehtimalla yol görünəcək.

• UEFA-nın Bakıda keçirilən “Bağçalarda Futbol Dərsi” layihəsi davam edir
• Bakıda İdman Gimnastikası üzrə Dünya Kuboku yekunlaşıb - FOTO
• Voyislav Stankoviç: "Neftçi"nin "Beşiktaş”la görüşdə "come back" etmək şansı...” - MÜSAHİBƏ
• Millimiz mübarizəni dayandırdı
• Hakimi təhqir etdi - 4 oyun kənarda qalacaq