Azərbaycanın amputant futbolçulardan ibarət yığma komandası Bakıda keçirilən Millətlər Liqasının C qrupunu bürünc medalla başa vurub.

Apasport.az xəbər verir ki, komanda qrupdakı son oyununda Ukrayna ilə qarşılaşıb.

“Bayıl Arena”da baş tutan qarşılaşma rəqibin 3:1 hesablı qələbəsi ilə yekunlaşıb.

Azərbaycan millisi bundan əvvəl Belçikanı 3:0, Niderlandı isə 1:0 hesabı ilə məğlub edib, İsrail yığması ilə isə qolsuz bərabərə qalıb.

Turnirin yekun cədvəlinə əsasən, 9 xal toplayan Ukrayna birinci yeri tutaraq Millətlər Liqasının B qrupuna yüksəlib. İsrail 8 xalla ikinci, Azərbaycan isə 7 xalla üçüncü pillədə qərarlaşıb.

4 xalı olan Niderland dördüncü, xal toplaya bilməyən Belçika isə beşinci yeri tutub.

Qeyd edək ki, Belçika millisi növbəti mövsümdə D qrupunda mübarizə aparacaq.

• Ayxan Abbasov: “Ən gərgin vaxtlara keçirik”
• Konfrans Liqasında həftənin ən yaxşı futbolçusu adına namizədlər müəyyənləşdi
• “Mançester Yunayted” və “Liverpul” xal itirdi
• "Barselona" ispaniyalı yarımmüdafiəçini almaq istəyir
• “Fövqəladə hallar uşaqların gözü ilə” XII Respublika uşaq yaradıcılıq müsabiqəsinin qalibləri mükafatlandırılıb - FOTO