Birləşmiş Ərəb Əmirliklərinin paytaxtı Əbu-Dabidə təlim-məşq toplanışında olan “Neftçi” bu gün növbəti yoxlama oyununu keçirib.

Apasport.az xəbər verir ki, Bakı təmsilçisi Misirin “Piramids” klubu ilə qarşılaşıb.

Bakı vaxtı ilə saat 18:00-da start götürən görüş “Məhəmməd bin Zayed” stadionunda baş tutub.

Gərgin keçən oyunun ilk hissəsi Misir təmsilçisinin minimalhesablı üstünlüyü ilə yekunlaşıb. Fasilədən sonra hücumlarını gücləndirən “ağ-qaralar” 87-ci dəqiqədə Murad Məmmədovun vurduğu qolla hesabı bərabərləşdiriblər.

Qarşılaşma 1:1 hesablı heç-heçə ilə başa çatıb.

Qeyd edək ki, ilk yoxlama matçında Qazaxıstanın “Kayrat” klubunu 3:0 hesabı ilə məğlub edən “Neftçi” yanvarın 16-da keçiriləcək sonuncu oyunda Çinin “Çenqdu Ronqçenq” komandası ilə üz-üzə gələcək.

• "Sabah"ın baş məşqçisi: "Azərbaycan basketbolunu Avropada layiqincə təmsil etdik"
• Fransa və İtaliya yığmaları Bakıya turnirə gələcək
• Füzulidə beynəlxalq avarçəkmə yarışı keçiriləcək
• Misli Premyer Liqasında V turun oyun cədvəli açıqlandı
• Stanislav Çerçesov: “Qarabağ” boşluqlardan ildırım sürəti ilə yararlanır”