Bu gün Bakıda görkəmli şahmatçı, Avropa çempionu, beynəlxalq qrosmeyster Vüqar Həşimovun xatirəsinə həsr olunan VIII beynəlxalq superturnirdə blits yarışlarına start verilib.

Apasport.az-a turnirin mətbuat xidmətindən verilən xəbərə görə, növbəti yarış günündə 9 tur oynanılıb.

Rapid turnirinin və blits yarışlarının 9 turunun yekunlarına görə, özbəkistanlı Nadirbəy Əbdüsəttarov 20 xalla turnir cədvəlində liderliyini davam etdirir. İspaniya təmsilçisi Fransisko Valyexo Pons 16,5 xalla 2-ci pillədə qərarlaşıb. Şəhriyar Məmmədyarov, Rauf Məmmədov 15 xalla 3-4-cü, Rumıniya təmsilçisi Rixard Rapport, çinli Van Hao 14 xalla 5-6-cı pilləni bölüşürlər. Hesabında 12,5 xal olan ABŞ idmançısı Samuel Şenklənd 7-ci yerdədir. Abdulla Qədimbəyli 10 xalla 8-cidir. Aydın Süleymanlı və hindistanlı Qukeş Dommaracu 9 xalla 9-10-cu pillədə qərarlaşıblar.

Qeyd edək ki, sabah memorialda daha 9 tur oynanılacaq. Turnirin qalibi rapid və blits yarışlarının yekun nəticələrinə görə müəyyənləşəcək.

• “Sumqayıt”ın futbolçusu: “Avrokuboklar üçün oynayacağıq” - Müsahibə
• “Barselona” ispaniyalı müdafiəçi ilə müqaviləsini yenilədi
• Portuqaliyalı futbolçu: “Klublarınız “Qarabağ”ın etdiklərindən ruhlanmalıdır” - MÜSAHİBƏ
• “Frayburq”ın baş məşqçisi: “Qarabağ” üçün bəxtsizlikdir"
• Aleksandr Lakazett: Fransanın İstedadlı Hücumçusu