Özbəkistan Peşəkar Futbol Liqası “Sabah” futbol klubunu UEFA Çempionlar Liqasının Liqa mərhələsinə vəsiqə qazanması münasibətilə təbrik edib.

APA xəbər verir ki, bu barədə Özbəkistan Peşəkar Futbol Liqasının “X” səhifəsində bildirilib.

“Özbəkistan Peşəkar Futbol Liqası “Sabah” futbol klubunu UEFA Çempionlar Liqasının Liqa mərhələsinə vəsiqə qazanması münasibətilə səmimi-qəlbdən təbrik edir! Qardaş Azərbaycan klubuna Avropanın ən nüfuzlu klub turnirində uğurlar, möhtəşəm qələbələr və yeni nailiyyətlər arzulayırıq!”, - təbrikdə qeyd olunub.

Qeyd edək ki, ötən gün Azərbaycan çempionu “Sabah” Bakıda İsrailin “Hapoel” (Beer-Şeva) klubu ilə qarşılaşıb. "Sabah" İsrail təmsilçisini məğlub edərək adını Çempionlar Liqasının liqa mərhələsinə yazdırıb.

• Bakıda atletika üzrə beynəlxalq yarış keçiriləcək
• "Araz"ın kapitanı: "Qrupumuzun ən reytinqli komandasıyıq"
• ACF daha 24 klub və idman təşkilatına beş illik lisenziya təqdim edib
• Yeniyetmələr arasında Aran-Mil-Muğan bölgəsi üzrə region birinciliyi keçirilib
• "Neftçi Arena" "Zirə" - "Hayduk" matçına ev sahibliyi edəcək