“Qarabağ”ın Azərbaycan çempionatlarındakı məğlubiyyətsizlik seriyası 40-a çatıb.

Apasport.az saytının məlumatına görə, seriyanın yubileyi Misli Premyer Liqasının XX turunda rəsmiləşib.

“Şamaxı”nı 3:1 hesabı ilə məğlub edən Qurban Qurbanovun yetirmələri cari mövsümdə uduzmayıb. Komanda ötən çempionatın son 20 matçında da məğlubiyyət görməyib.

40 oyundur xalsız qalmayan Ağdam klubu milli çempionatlarda davam edən ən uzun məğlubiyyətsizlik seriyalarında dünya ikincisidir. Hazırda yalnız “Srvena Zvezda” daha uzun seriyaya malikdir. “Qarabağ”dan üç addım öndə olan rekordçu son 43 matçda uduzmayıb. 

Qeyd edək ki, “Qarabağ” sonuncu dəfə 2021-ci il oktyabrında “Səbail”lə səfər görüşündə uduzub - 1:3.

• Torreyra “Qalatasaray”dan ayrılır? - MENECERİ AÇIQLADI
• Millimizin üzvü oynadı, komandası finalda məğlub oldu
• İlk dəfə kata üzrə Azərbaycan birinciliyi keçiriləcək
• Taekvondoçumuz klublararası Avropa çempionatında gümüş medal qazanıb
• “Lənkəran”nın baş məşqçisi: “Ehtiyat skamyanın kasad olması yenə də öz sözünü dedi”