“Qarabağ”ın gənc qapıçısı Sadiq Məmmədzadə bir müddət əvvəl Serbiyanın “İMT Belqrad” klubunda baxışda olub. Lakin o, məşqçilər korpusu tərəfindən bəyənilməyib.
Apasport.az saytına daxil olan məlumata görə, yayda onun bu kluba keçidi böyük ehtimalla baş tutmayacaq.
Buna səbəb isə serblərin Məmmədzadəyə irəli sürdüyü təklifin peşəkar müqavilə olmamasıdır. Belə ki, Superliqa klubu “Qarabağ”ın qolkiperinin əsas komandada deyil, U-19 komandasında oynamasını istəyir. Bundan başqa, ona normal maaş və şərait də yarada bilməyəcək.
Bu təklifdən sonra azərbaycanlı qolkiperin Belqrad təmsilçisinə keçəcəyi inandırıcı görünmür. Amma Serbiya klubu imkanları yaxşılaşdıracağı təqdirdə, Məmmədzadənin yayda A komandasında baxışa yollana biləcəyini gözləmək mümkündür. “İMT Belqrad”la yanaşı onun başqa klubların da maraq dairəsində olduğu iddia edilir.
Qeyd edək ki, Sadiq “Səbail”in yetirməsidir və yayda “Qarabağ”a keçib.
- Yunan-Roma güləşçimiz dünya çempionu oldu
- Ağcabədidə bədii gimnastika üzrə yeni bölmə fəaliyyətə başlayıb
- Uşağa görə ara qarışdı: Misir millisinin otelində polis qalmaqalı
- Azərbaycanlı hakimə UEFA-dan təyinat – “Roma” – “Real” matçını idarə edəcək
- Avarçəkənimiz “Prezident Kuboku 2024”-də qızıl medal qazanıb