Avropa Liqasının IV turunun “Qarabağ” – “Olimpiakos” oyunu yubileylə əlamətdar ola bilər.

Apasport.az saytının məlumatına görə, Qurban Qurbanovun yetirmələri qalib gəlsə, bu, Azərbaycan klublarının avrokuboklarda 75-ci ev qələbəsi olacaq.

İndiyədək təmsilçilərimiz 74 dəfə qonağı əliboş yola salıb. Qitə kuboklarında 1994-cü ildə debüt edən Azərbaycan komandaları 207 matçda buna nail olub.

12 təmsilçimiz doğma divarlar arasında qalib gəlməyi bacarıb. Ev qələbələrində “Qarabağ” böyük üstünlüyə malikdir.

74 qələbədən 31-i ağdamlıların payına düşüb. “Neftçi” 17 dəfə öz meydanında qalib gəlib. Adını tez-tez dəyişən “Şamaxı” və “Qəbələ”nin hərəyə 8, “Bakı”nın 3 uğuru var.

Digər komandalarımız öz meydanında bir dəfə sevinib. Bunlar “Bakı fəhləsi”, “Karvan”, “Kəpəz”, “MKT-Araz”, “Xəzər Lənkəran”, “Zirə” və “Şəmkir”dir.

Qeyd edək ki, “Qarabağ” – “Olimpiakos” oyunu bu gün saat 20:45-də başlayacaq.
 

• Təmsilçimiz Yunanıstanda keçirilən yarışa liderlik edir
• “Xəzər Lənkəran”ın Redniki dəstəklədiyi kimi, “Neftçi” də Mutuya dəstək olsa..." - Müsahibə
• NTD "Abşeron"u məğlub edib
• Qurbanov onu da bağışlamadı: Komandadan göndərildi
• "Fənərbaxça"ya növbəti təklif: Əvvəl Premyer Liqa klubu, indi isə İtaliya nəhəngi