Çempionlar Liqasında Azərbaycanı təmsil edən “Qarabağ” ardıcıl dörd oyunda qol vurub.

Apasport.az saytının məlumatına görə, Qurban Qurbanovun yetirmələri yalnız mövsümün ilk görüşündə bunu bacarmayıb.

Həmin vaxt ağdamlılar Polşada “Lex”ə uduzub – 0:1. Poznanlılarla cavab görüşü (5:1), İsveçrə “Sürix”i ilə hər iki oyun (3:2, 2:2) və Macarıstan “Ferensvaroş”u ilə ilk sınaqda (1:1) təmsilçimiz rəqib qapısına yol tapıb.

Bu, Azərbaycan klublarının Çempionlar Liqasındakı rekordunun təkrarıdır. “Qarabağ”dan başqa heç bir komandamız qitənin ən nüfuzlu klub turnirində bunu bacarmayıb. 

Ağdamlılar 2019-cu ildə də ardıcıl 4 oyunda qol vurub. Maraqlıdır ki, həmin vaxt da seriya I təsnifat mərhələsinin cavab görüşündə başlayıb.

Qurbanovun yetirmələri son dörd görüşdə həm də qol buraxıb. Yəni bu qarşılaşmaların hamısı Q/Q bitib. Bu da bir ilkdir. Azərbaycanın heç bir klubu Çempionlar Liqasında ardıcıl 4 dəfə Q/Q oynamayıb.
 

• Arnar Qunnlauqsson: “Azərbaycan millisi düz yoldadır”
• Gürcü hücumçu bu göstəricidə ilk pillədədir
• Boksçularımız Rumıniyada 7 qızıl, 3 gümüş və 8 bürünc medal
• Çempionlar Liqasının 1/4 final mərhələsinin ilk oyunlarında qol rekordu təkrarlanıb
• İdmançımız Dünya Olimpiya Təsnifat Turnirində mərhələ keçdi