UEFA Gənclər Liqasında Çempionlar yolunun püşkü atılıb.

Apasport.az saytının məlumatına görə, “Qəbələ”nin 19 yaşadək futbolçulardan ibarət komandasının I mərhələdəki rəqibi müəyyənləşib.

Azərbaycan təmsilçisi ilk raundda “Hayduk”la (Xorvatiya) qarşılaşacaq. “Qəbələ” ilk oyununu səfərdə, cavab görüşünü isə evdə keçirəcək. Birinci mərhələnin oyunları sentyabrın 14-də və oktyabrın 5-də baş tutacaq.

“Qəbələ”nin II mərhələdəki mümkün rəqibi də bəlli olub. Zaur Hacıyevin yetirmələri “Hayduk” səddini keçərsə, növbəti raundda “Astana” (Qazaxıstan) – “Apolloniya” (Albaniya) cütünün qalibi ilə üz-üzə gələcək. “Hayduk” - “Qəbələ” cütünün qalibi ilk görüşü səfərdə keçirəcək.

II mərhələnin oyunları oktyabrın 26-da və noyabrın 2-də olacaq.

• “Böyük beşlik”də ən çox hansı ölkələr baş məşqçi dəyişib? - STATİSTİKA
• "Neftçi"dən ayrılan yığmamızın üzvü: "Legioner həyatı yaşamaq şansım varsa..." - MÜSAHİBƏ
• İsveç millisinin üzvü “Beşiktaş” yolunda
• Fərrux Mahmudov: "Neftçi"də əsaslı və perspektivli işlərə imza atdıq"
• Neymar Jorje Jesusu komandada istəmir