Qəbələ - Xankəndi ultramarafonunun sonuncu - dördüncü mərhələsinin mükafatçıları müəyyənləşib.

Apasport.az xəbər verir ki, Ağdamdan başlayan yarış Xankəndidə sona çatıb.

Ultramarafon iştirakçıları bu mərhələdə 28 kilometr məsafə qət ediblər.

Son mərhələnin qalibi kişilər arasında türkiyəli atlet Ömər Alkanoğlu olub. İkinci yeri onun həmyerlisi Üzeyir Söyləməz, üçüncü pilləni isə gürcüstanlı Georgi Lomidze tutublar.

Üzeyir Söyləməz əvvəlki üç mərhələni də birinci pillədə başa vurduğu üçün əsas mükafat ona verilib.

Qadınların mübarizəsində son mərhələni türkiyəli Hasibe Dəniz birinci, ukraynalı Alyona Şevçenko ikinci, azərbaycanlı atlet Leyla Abdinova isə üçüncü sırada başa vurublar.

Burada da ilk üç mərhələdə Alyona Şevçenko bütün rəqiblərini qabaqladığı üçün əsas qalib o hesab edilib.

• "Prezident Kuboku-2025” Füzuli, Mingəçevir və Suqovuşanda keçiriləcək
• Azərbaycanın gənc qılıncoynadanları Çində dünya birinciliyində iştirak edəcəklər
• "Qarabağ"ın "Linkoln” ilə oyunlar üçün iştirak ərizəsi müəyyənləşib
• Zlatandan Messiyə dəstək: "Sanki çiyinlərində qum torbası daşıyırlar"
• Yeniyetmələr arasında Bakı şəhər birinciliyi başa çatıb