Azərbaycan millisinin və “Neftçi”nin qolkiperi Rza Cəfərovun mövsümün sonunda legioner həyatı yaşaya biləcəyi haqda xəbər vermişdik.

Apasport.az saytına verilən məlumata görə, Polşa yüksək liqasında yarışan “Rakov” Rzanı heyətinə qatmaqda maraqlıdır. Hətta Polşa klubunun skautları bununla bağlı futbolçunun özünə müraciət ediblər. 

Aldığımız məlumata görə, Rzanın özü də ölkə xaricinə yollanmağa, legioner həyatı yaşamağa isti baxdığı üçün “Rakov”un təklifini qəbul etmək istəyir.

Ancaq Polşa təmsilçisi bununla bağlı “Neftçi” ilə kontakta keçməyib.

Mövsüm başa çatdıqdan sonra Cəfərovun Polşaya yollanıb-yollanmayacağına konkretlik gələcək.

21 yaşlı qapıçının “Neftçi” ilə müqavilə müddəti 2027-ci il iyunun 30-na qədərdir. O, 2022-ci il iyulun 1-dən əsas komandada çıxış edir.
 

• Basketbol hakimləri üçün seminar keçirilib
• Azər Bağırov: “Axır vaxtlar bir az emosional olmuşam”
• “Hapoel”in baş məşqçisindən “Sabah” etirafı: Favorit Azərbaycan klubudur
• "Arsenal" Premyer Liqada özünə yeni hücumçu tapıb
• Azərbaycan millisinin Avropa çempionatının 2025/2026 mövsümünün II raundundakı rəqibləri müəyyənləşib