Azərbaycan şahmatçısı Gövhər Beydullayeva Sardiniyada (İtaliya) keçirilən gənclər arasında dünya çempionatında uğurlu çıxışını davam etdirir. 

Apasport.az saytının məlumatına görə, milli komandamızın 19 yaşlı üzvü altıncı turda Nutakki Priyankanı (Hindistan) məğlub edərək xalını 5,5-ə çatdırıb. 

Hazırda Gövhər Beydullayeva vahid lider olub və ən yaxın izləyicisini 0.5 xal qabaqlayır.

Abdulla Qədimbəyli 6-cı turda italiyalı Françesko Sonislə heç-heçə oynayıb. Aktivində 4,5 xal olan şahmatçımız liderlərdən yarım xal geri qalmaqla beşinci pillədə qərarlaşıb.

Ləman Hacıyeva və Məhəmməd Muradlı Flippin təmsilçilərindən üstün olublar. Hacıyeva 4 xalla 18-ci, Muradlı 3 xalla 67-cidir.

Qeyd edək ki, dünya çempionatı İsveçrə sistemi üzrə 11 turdan ibarət olacaq.

• Klubların Lisenziyalaşdırılması Departamentinin fəaliyyəti ilə bağlı yoxlamanın nəticələri açıqlandı
• Azərbaycan millisi sonuncu qrup oyununda məğlub oldu
• Mundiala son vəsiqə: Kosta-Rika, yoxsa Yeni Zelandiya?
• “Lex”in məşqçisi: “Qarabağ”ın ən böyük qüvvəsi onlardır”
• Yamal Çempionlar Liqasının tarixinə düşüb