Niderland millisinin baş məşqçisi Lui van Qal yeni rekorda imza atıb.

Apasport.az saytının məlumatına görə, 71 yaşlı mütəxəssis dünya çempionatının qrup mərhələsində Seneqalla görüşdə buna nail olub.

Komandasının rəqibi 2:0 hesabı ilə məğlub etdiyi qarşılaşma van Qalın yığmanın sükanı arxasında 38-ci qalibiyyəti olub. Bununla o, Dik Advokatın rekordunu yeniləyib və Niderland yığması ilə ən çox qələbə sevinci yaşayan mütəxəssis ünvanını ələ keçirib.

Lui van Qal üçüncü dəfədir Niderland millisini çalışdırır. O, əvvəllər 2000-2001 və 2012-2014-cü illərdə də bu komandaya rəhbərlik edib.

Qeyd edək ki, A qrupunda yer alan Niderland yığması növbəti oyununu noyabrın 25-də Ekvadorla keçirəcək.

• Benzema Di Stefano və Raulun rekordunu qırdı
• Cüdoçularımız "Böyük Dəbilqə"nin ilk gününü 2 medalla başa vurublar
• Françesko Kalzona: “Ukrayna millisi FİFA reytinqində bizdən 20 pillə irəlidədir“
• Elçin Məsiyev UEFA Konfrans Liqası matçına təyinat alıb
• Branimir Subaşiç: "Azərbaycan millisində perspektivli oyunçular çoxdur" - Müsahibə