Fransanın paytaxtı Parisdə təşkil olunan Yay Paralimpiya Oyunlarında bu gün Azərbaycanın 3 paralimpiyaçısı mübarizəyə başlayacaq.

Apasport.az xəbər verir ki, parataekvondoçu Sabir Zeynalov (58 kq) K44 kateqoriyası üzrə təsnifat mərhələsində çıxış edəcək.

Bu mərhələnin görüşləri Bakı vaxtı ilə 12:00-16:30-da keçiriləcək. Parataekvondo yarışlarının finalı isə Bakı vaxtı ilə 19:00-23:30-da baş tutacaq.

Paraüzgüçülük yarışlarında Könül Süleymanova (S2 kateqoriyası, 100 metr məsafəyə arxasıüstə üzmə) mübarizə aparacaq. Yarışın təsnifat mərhələsi Bakı vaxtı ilə 12:26-da, final isə 20:10-da başlayacaq.

Parakamandan oxatmada isə Cahan Musayev bacarığını göstərəcək. Yarışın təsnifat mərhələsi Bakı vaxtı ilə saat 15:00-da başlaycaq.

Qeyd edək ki, Paris-2024 Yay Paralimpiya Oyunları sentyabrın 8-də başa çatacaq.

• “Tottenhem”in futbolçusu: "Layiqli qələbə qazandıq"
• “Qalatasaray” xeyriyyə matçında "Qarabağ"a qalib gəldi - YENİLƏNİB
• Kişi şahmatçıların Azərbaycan çempionatında yarımfinalçıları bəlli olub
• “Beşiktaş” Premyer Liqadan futbolçu transfer edir: MÜDAFİƏÇİ İSTANBULDADIR
• Afrika Millətlər Kuboku: Nigeriya və Tunisdən qələbə