Qətərdə keçirilən DÇ-2022-də qrup mərhələsinin II turuna  yekun vurulub.

Apasport.az saytının məlumatına görə, turun son görüşü H qrupunda baş tutub.

Çempionatın 9-cu oyun günü Portuqaliya və Uruqvay arasında görüşlə yekunlaşıb. Qarşılaşmanın taleyi ikinci hissədə həll olunub.

Bruno Fernandeşin qapı önünə hava ötürməsindən sonra Kriştiano Ronaldonun toxunuş cəhdi baş tutmasa da, top qapıdan keçib. Yarımmüdafiəçi görüşün uzatma dəqiqələrində penaltidən ikinci qolunu vuraraq dublunu rəsmiləşdirib. 

2:0 hesablı qələbə ilə xal hesabını 6-ya çatdıran Portuqaliya 1/8 finala vəsiqəni təmin edib. Pireneylilər Fransa və Braziliyadan sonra buna nail olan 3-cü komandadır.

Qeyd edək ki, H qrupunda sonuncu turun matçları dekabrın 2-də keçiriləcək. Cənubi Koreya Portuqaliya, Qana isə Uruqvayla görüşəcək.
 

DÇ-2022, qrup mərhələsi
28 noyabr, II tur
H qrupu
23:00. Portuqaliya - Uruqvay - 2:0

Qollar: Bruno Fernandeş, 54, 90+3 (pen.)

• Minifutbol üzrə Avropa çempionatı Azərbaycanda keçirilə bilər
• “Qarabağ”ın komandalarına danışılmış oyunlarla bağlı seminar keçirilib
• Güləşçilərimiz “Zaqreb Open”in ilk gününü 5 medalla bitirib
• Amputant futbolu üzrə Millətlər Liqasının bəzi oyunları Bakıda keçiriləcək
• “Qarabağ” yeni transferini “Sürix” üçün sifariş etdi