Çempionlar Liqasının Liqa mərhələsinin I turunda “Benfika”ya qalib gələn “Qarabağ” bu qələbəni Azərbaycan Prezidenti İlham Əliyevə həsr edib.

Apasport.az xəbər verir ki, bunu klubun rəsmi saytına açıqlamasında "Qarabağ"ın prezidenti Tahir Gözel bildirib.

O söyləyib ki, Azərbaycan futbolu tarixinə Çempionlar Liqasının əsas mərhələsində əldə olunan ilk qələbə kimi düşən bu oyun ölkə başçısına həsr edilir: “Bu qələbəni Qarabağın fatehi, tarixi şəxsiyyət, xalqın böyük və dahi rəhbəri, Ali Baş Komandan cənab İlham Əliyevə həsr edirik”.

Qeyd edək ki, “Qarabağ” Portuqaliyadakı qarşılaşmada 0:2 hesabı ilə geri düşsə də, üç qol vuraraq əzmkar qələbə qazanıb – 3:2. Bu, Azərbaycan klublarının Çempionlar Liqasının əsas mərhələlərində ilk qələbəsi olub.

• "Çelsi" Joao Feliks transferini bitirir
• Kamal Quliyev: "Yaltaqlıq, düşüklük eləsəydim, AFFA-da vəzifədə olardım" - "Ofsayd"
• Azərbaycanlı idmançı: “Məqsədimiz bayrağımızı yüksəltməkdir”
• “İnter Mayami” argentinalı futbolçunu komandada saxlayacaq
• Alberto Blanko: “Layiqli qələbə qazandığımıza görə çox sevinirəm”