Bolqarıstanın paytaxtı Sofiya şəhərində keçirilən 23 yaşadək boksçuların Avropa çempionatında medal qazanmış Azərbaycan idmançıları Vətənə dönüblər.

Apasport.az xəbər verir ki, Heydər Əliyev Beynəlxalq Aeroportunda baş tutan qarşılanma mərasimində idmançıların ailə üzvləri, yaxınları, media və federasiya nümayəndələri iştirak ediblər.

48 kiloqram çəki dərəcəsində bürünc medala sahib çıxan Tural Sarıyev yarışdan əvvəl ciddi hazırlıq gördüklərini bildirib: “Turnirə yollanmadan əvvəl fiziki, texniki və taktiki hazırlıqlar üzərində işləmişdik. Finalda İrlandiyadan olan rəqibimə hakimlərin haqsızlığı ucbatından uduzdum. Ruhdan düşmürəm, gələcək hədəfim Avropa, dünya və Olimpiya çempionluğunu əldə etməkdir. Qarşıdakı yarışlarda gümüş medalımı qızılla əvəzləyəcəyəm. İrlandiyalı rəqibimlə yenidən görüşüb revanş almaq arzusundayam. Onu 1/4 finalda məğlub edərək medalsız qoymaq niyyətindəyəm”.

Yığmanın digər üzvü Murad Allahverdiyev (80 kiloqram) çatışmazlığın üstündə işləyəcəyini söyləyib: “Finalda fransalı rəqibimə məğlub oldum. Onunla yenidən qarşılaşmaq istəyirəm. Növbəti hədəf Azərbaycan çempionatından sonra bəlli olacaq. Baş məşqçilər qatılacağımız yarışları müəyyənləşdirəcək. Ona uyğun hazırlıq keçəcəyik”.

Qeyd edək ki, Azərbaycan millisinin heyətində Tural Sarıyev (48 kiloqram), Nicat Hüseynov (51 kiloqram) və Murad Allahverdiyev (80 kiloqram) gümüş, Marjona Savriyeva (50 kiloqram) bürünc medal qazanıblar.

• Almaniyalı dünya çempionu vəfat edib
• "Kayrat"ın baş məşqçisi: "Qarabağ" "Benfika" ilə oyunda hər şeyin mümkün olduğunu sübut etdi"
• Nabi Keyta komandasının heyətindən uzaqlaşdırıldı
• Mahir Emreli: "Bu komandanın bir parçası olmaqdan qürur duyuram"
• Faiq Hacıyev: "Berdıyev hər birimizlə təkbətək söhbətlər edir" - Müsahibə