Azərbaycan Cüdo Federasiyasının təşkilatçılığı ilə Goranboy Olimpiya İdman Kompleksində kata üzrə təlim-məşq toplanışı keçirilib.

Apasport.az xəbər verir ki, hazırlıq prosesində Azərbaycan kata milli yığma komandasının üzvləri və 18 yaşadək yeniyetmələr arasında ölkə birinciliyində ilk yerləri tutmuş cüdoçular iştirak ediblər.

Bu təlim-məşq toplanışı yeniyetmə cüdoçuların qatıldığı ilk belə tədbir olub. Təlim-məşq toplanışının məqsədi 9-10 noyabr tarixlərində ABŞ-ın Las-Veqas şəhərində keçiriləcək kata üzrə dünya çempionatına hazırlıqdır.

Təlim-məşq prosesi idmançılarımızın texniki bacarıqlarını artırmağa və beynəlxalq arenada uğur qazanmaq üçün vacib təcrübə toplamağa yönəlib.

• Stolüstü tennis üzrə ölkə birinciliyinin qalibləri müəyyənləşib
• AFFA hakimlərin tərəfini tutdu: “Neftçi”nin oyununda penalti yox idi”
• Azərbaycan boksçuları Avropa Oyunlarında “Top-13”də
• “Dinamo”nun baş məşqçisi: "Qarabağ" hücumda və müdafiədə güclü komandadır"
• Karateçimiz Xorvatiyada qızıl medal qazandı