Gənclər və İdman Nazirliyi, Azərbaycan Atletika Federasiyasının təşkilatçılığı ilə kros qaçışı üzrə yaz ölkə çempionatı keçirilib.

Apasport.az xəbər verir ki, turnirdə paytaxt təmsilçiləri ilə yanaşı, Gəncə, Bərdə, Gədəbəy, İsmayıllı, Astara, Şəmkir və Xızıdan olan 80-dən artıq atlet mübarizə aparıb.

Kişilər arasında 10 km məsafəyə qaçışda Bərdə idmançısı Bəxtiyar Əsgərli ölkə çempionu adını qazanıb. 6 km məsafədə Gəncə təmsilçisi Sənan Bayramov, 3 və 2 km-də isə müvafiq olaraq Nihat Qəfərov və Royal Miraczadə qalib olublar.

Qadınlar arasında 6 km məsafəyə qaçışda Anna Yusupova növbəti dəfə ölkə çempionu olub. 4 km-də Elina Yusupova, 2 km-də Nila Heydərova, 1 km-də isə Mədinə Qocayeva fəxri kürsünün ən yüksək pilləsinə qalxıblar.

• PSJ Avropanın top-5 liqasında bunu bacaran yeganə klubdur
• Samir Abasov: "Mutunun cavabını verməliydim"
• Slavko Georgiyevski: "Derbi barədə proqnoz vermək həmişə çətindir, amma..." - Müsahibə
• “Fənərbaxça” Premyer Liqa klubunun hücumçusu ilə maraqlanır
• Bedri Meriç: "İstədiyim performansı görə bilmirəm"