Bakıda keçirilən Avropa kuboku davam edir.

Apasport.az xəbər verir ki, bu gün Azərbaycan gimnastı Şəms Ağahüseynova fəxri kürsüyə yüksəlib.

O, yeniyetmələrin yarışında lentlə hərəkətlərdə bürünc medal qazanıb.

Ağahüseynova çıxışına görə 24,400 xal toplayıb.

Bu yarışda qalib ukraynalı Lyubov Qoraşenko, gümüş mükafatçı isə polşalı Kseniya Jıjıx olublar.

Qeyd edək ki, Azərbaycan yığmasının hesabında artıq üç medal var. Daha əvvəl Ləman Əlimuradova, Darya Sorokina, Yelizaveta Luzan, Güllü Ağalarzadə, Kamilla Əliyeva və Sofiya Məmmədovadan ibarət komanda qrup hərəkətlərində iki dəfə fəxri kürsüyə qalxıb. Qızlar üç top və iki halqa ilə çıxışda qızıl, çoxnövçülükdə isə bürünc medal qazanıblar.

• Parataekvondoçularımız beynəlxalq təlim-məşq toplanışında
• “Qalatasaray” Osimhenin əvəzedicisini tapdı
• Avropa Kanoe Assosiasiyası “Prezident Kuboku-2024” reqatasını ikinci dəfə təqvim planına daxil edib
• Böyük Britaniya boks üzrə dünya çempionatını boykot etdi
• "Çelsi" azarkeşlərinin istefa tələbi trendə düşdü