Albaniyanın paytaxtı Tiranada “Muhamet Malo” turniri davam edir.

Apasport.az xəbər verir ki, reytinq turnirinin ikinci günündə sərbəst güləş üzrə millinin 3 üzvü mübarizə aparıb və onların 1-i fəxri kürsüyə qalxıb.

Cəbrayıl Hacıyev (79 kq) 1/4 finalda iranlı Mohammad Aşğar Noxodilarimiyə 2:7 hesabıyla məğlub olsa da, təsəlliverici görüşdə gürcüstanlı Tariel Qafrindaşvilini “tuş”la, bürünc medal uğrunda görüşdə isə hindistanlı Saqar Caqlana 10:4 hesabıyla qalib gələrək fəxri kürsünün üçüncü pilləsinə yüksəlib.

Maqomedxan Maqomedov (97 kq) türkiyəli Rıfat Eren Qıdak (6:4) və amerikalı Conatan Leonard Aiellonu (13:2) mübarizədən kənarlaşdırsa da, yarımfinalda rusiyalı Muxamed-Taxir Xaniyevlə (0:10) bacarmayıb. Bu görüşdə zədələnən Maqomedov bürünc medal uğrunda görüşə çıxmayıb.

Giorgi Meşvildişvili (125 kq) türkmənistanlı Ziyamuhammet Saparova tam üstünlüklə (12:2) qalib gəlsə də, 1/4 finalda amerikalı Vayt Eviri Hendriksona 4:15 hesabıyla uduzub.

• “İnter” Çalhanoğlu üçün “Qalatasaray”ın təklifini rədd edib
• "Atletik"in baş məşqçisi: "9:0 hesabı ilə qalib gələcəyimiz haqda deyilənlər dəhşətdir"
• “Roma”nın yeni hücumçu hədəfi
• “Formula-1” sahibi “Liberty Media” İngiltərədə klub alır
• “Ordu”da yeni menecer