"Yarış mənim üçün gərgin və maraqlı keçdi".

Apasport.az xəbər verir ki, bu sözləri avarçəkmə üzrə "Prezident Kuboku-2024" beynəlxalq reqatasının Suqovuşan mərhələsində 1 nəfərlik kayak qayığı ilə 200 metr məsafəyə yarışda bürünc medal qazanan Azərbaycan təmsilçisi Amil Ramazanov deyib.

O, birinci yeri tuta bilməməsinin səbəbini rəqiblərinin çox güclü olması ilə əlaqələndirib: "2006-2007-ci il təvəllüdlü idmançılar arasında mübarizə apardım. Rəqiblərim güclü idi. Təəssüf ki, birinci ola bilmədim".

İdmançı bu yarışda iştirak etdiyi üçün xoşbəxt olduğunu söyləyib: "Turnirin gələcək illərdə də təşkili ölkəmizdə avarçəkmənin inkişafına müsbət təsir edəcək".

Qeyd edək ki, “Prezident Kuboku-2024” beynəlxalq reqatası mayın 3-dək davam edəcək. Gənclər və İdman Nazirliyi ilə Azərbaycan Kanoe və Avarçəkmə Federasiyasının birgə təşkilatçılığı ilə keçirilən yarış ardıcıl ikinci ildir Avropa Kanoe Assosiasiyasının (ECA) rəsmi təqvim planına daxil edilib.

• Qurban Qurbanov: “Komanda istədiyimiz kimi hazır deyil”
• Triatlon üzrə Azərbaycan millisinin yeni baş məşqçisinin təqdimat mərasimi keçirilib
• Qabil Mehdiyev: "İdmançımız sistem köçürülüb, ilkin tibbi yardım göstərilib"
• "Fənərbaxça" - "Qalatasaray" derbisi bu tarixdə baş tutacaq
• “Rəqib bizi səhvlərə məcbur etdi”