İtaliyanın Vareze şəhərində keçirilən akademik avarçəkmə üzrə Avropa çempionatında yüngül çəkili idmançıların mübarizəsinə yekun vurulub.

Apasport.az xəbər verir ki, qitənin ən güclülərinin müəyyənləşdiyi yarışda Azərbaycan Su İdman Növləri Federasiyasını iki idmançı təmsil edib.

Ziya Məmmədzadə və Nurlan Paşayevdən ibarət cütlük ikinəfərlik qayıqda final yürüşündə finiş xəttini ikinci keçərək gümüş medal qazanıb.

Xatırladaq ki, Ziya Məmmədzadə və Nurlan Paşayev 12–14 iyun tarixlərində Bolqarıstanın Plovdiv şəhərində keçirilən akademik avarçəkmə üzrə Dünya Kubokunda da bürünc medal qazanıblar.

• "Araz-Naxçıvan" "Səbail"i məğlub etdi
• Hakimlərimizin kateqoriyası yüksəlib
• Levandovski Ronaldonun rekordunu yeniləyib
• Murad Musayev: “Krasnodar”da rublla alırdım, Azərbaycanda dollarla”
• Azərbaycanlı hakimlər Çempionlar Liqasında