Şahmat üzrə Azərbaycan çempionatında bütün finalçılar məlum olub.

Apasport.az xəbər verir ki, kişilərin yarışında ikinci finalçı Rauf Məmmədov olub.

O, taybrekdə Teymur Rəcəbovdan güclü olub. Rapid mübarizəsində də heç-heçə qeydə alınıb, armageddonda isə Məmmədov qələbəni bayram edib.

Qadınlarda isə hər iki finalçı tay-brekdən sonra müəyyənləşib.

Günay Məmmədzadə Gülnar Məmmədovadan üstün olub - 1,5:0,5.

Digər cütlükdə isə Gövhər Beydullayeva Ülviyyə Fətəliyevaya qalib gəlib - 1,5:0,5.

Sabah start götürəcək həlledici partiyalarda Şəhriyar Məmmədyarov Rauf Məmmədovla, Günay Məmmədzadə isə Gövhər Beydullayevayla qarşılaşacaq.

Üçüncü yer uğrunda görüşlərdə Misrətdin İskəndərovla Teymur Rəcəbov, Gülnar Məmmədova isə Ülviyyə Fətəliyeva ilə üz-üzə gələcək.

Oyunlar saat 15-00-da başlayacaq.

• Üzgüçülərimiz daha 2 medal qazandılar
• Türkiyəli mütəxəssis "Xankəndi" klubunun baş məşqçi vəzifəsindən ayrılıb
• Yan Vertonqen Belçika millisindəki karyerasını başa vurub
• III MDB Oyunları: 5 idmançımız oxatma yarışlarında 1/8 finala yüksəlib
• Millimizin baş məşqçisi: “Hazırda güləşlə məşğul olan qızların sayı çoxdur”