Azərbaycan şahmatçısı Rauf Məmmədov Dünya kubokuna vəsiqə qazanıb.

Apasport.az xəbər verir ki, 36 yaşlı qrossmeyster buna Monteneqroda keçirilən Avropa çempionatında 14-cü yeri tutmaqla nail olub.

Məmmədov yarışın son turunda Momçil Petkovla (Bolqarıstan) qarşılaşıb və qələbə qazanıb. Bununla da aktivindəki xalını 7,5-ə yüksəldən şahmatçımız çempionatı 14-cü yerdə bitirib. Bu mövqe ona Dünya kubokuna vəsiqə verib. Yarışda digər təmsilçilərimiz ilk “20-liy”ə düşə bilməyiblər.

Qeyd edək ki, Avropa çempionatında Azərbaycanı 22 şahmatçı təmsil edib. Yarışın qalibi 9 xal toplayan serbiyalı Aleksandar İnciç olub. Avropa çempionatında ümumilikdə 395 şahmatçı iştirak edib. 100 min avro mükafat fondu olan yarışın qalibi 20 min avro əldə edib.

• Məşhur xorvatiyalı bu yay təqaüdə çıxa bilər
• Qazaxıstanlı idmançı: “Yarışlar çox gözəl təşkil olunub, Xankəndi xoşuma gəldi”
• “Bakı-Xankəndi” veloyarışı: Dördüncü mərhələyə start verilib
• Gəncədə cüdoçular üçün beynəlxalq təlim-məşq toplanışına start verilib
• “Trabzonspor”un müdafiəçisi İtaliya klublarının radarında