“Nyukasl” yarımmüdafiəçisi Bruno Gimaraeşlə bağlı qərarını verib.

Apasport.az xəbər verir ki, Premyer Liqa təmsilçisi braziliyalı futbolçunu cari transfer pəncərəsində “Arsenal”a buraxmaq niyyətində deyil.

“Sağsağanlar” London klubunun 55 milyon funt-sterlinqlik təklifini rədd edib. Klub rəhbərliyi Entoni Qordon və Sandro Tonalinin gedişindən sonra əsas oyunçularından daha birini itirmək istəmir.

Baş məşqçi Eddi Hau da Gimaraeşin komandada saxlanılmasını tələb edib. O, braziliyalı yarımmüdafiəçinin heyətdə qalmasını vacib sayır.

Qeyd edək ki, Gimaraeş 2025/26 mövsümündə bütün turnirlərdə 41 oyuna çıxıb, 9 qol və 8 məhsuldar ötürmə ilə yadda qalıb. Onun “Nyukasl”la müqaviləsi 2028-ci il iyunun 30-na qədərdir.

• Elşad Quliyev: “Meydançada can qoymalısan ki, qələbə qazanasan”
• “Yuventus”dan Firmino təklifi
• 18 yaşlı türk futbolçu üçün fantastik qiymət
• “Barselona”dan Reşford qərarı
• Millimizin üzvü Krakovda gümüş medal qazandı