Türkiyə millisinin kapitanı Hakan Çalhanoğlu DÇ-2026-nın qrup mərhələsində Avstraliyaya məğlubiyyəti (0:2) şərh edib.

Apasport.az xəbər verir ki, təcrübəli yarımmüdafiəçi komandanın buraxdığı qollardan narazı qalıb.

O, görüşdən sonra bunları deyib:

“Uzun toplardan qollar buraxdıq, buraxılmamalı qollar idi. Ümumi mənada matçın kontrolu bizdə idi, amma şanslardan istifadə edə bilmədik”.

Hakan Çalhanoğlu ağır məğlubiyyətdən nəticə çıxarmalı olduqlarını bildirib:

“İndi vacib olan bu matçı unutmaq və qarşıdakı oyunlara baxmaqdır. Bəzən belə şillə yemək yaxşı olur. Biz də bunun fərqindəyik”.

Qeyd edək ki, Türkiyə millisi D qrupundakı növbəti oyununu Paraqvaya qarşı keçirəcək. Matç iyunun 19-da Bakı vaxtı ilə saat 02:00-da başlayacaq.

• Türkiyə Olimpiya Komitəsinin vitse-prezidenti: Azərbaycanın idman sahəsindəki uğuru məni qürurlandırır
• Rəvan Həmzəzadə Əvəzedicilər Liqasına göndərildi - RƏSMİ
• Şpaqa və sablya üzrə Bakı birinciliyinin qalibləri bəlli olub
• Millimizin üzvü oynadı, komandası üç xal qazandı
• "Eyüpspor" əl dəyişdirir: Kluba qəyyum təyin edilib