"İpsviç"in hücumçusu Liam Delap karyerasını İngiltərə Premyer Liqasının iddialı klublarından birində davam etdirə bilər.

Apasport.az xəbər verir ki, bu barədə "Give Me Sport" nəşri məlumat yayıb.

Mənbənin məlumatına görə, 22 yaşlı futbolçu ilə Londonun “Çelsi” klubu maraqlanır. “Mançester Yunayted” futbolçu ilə bağlı mübarizədə “mavilər”in əsas rəqibi hesab olunur.

Mərkəz hücumçusunun "İpsviç"lə müqaviləsində 47 milyon avroluq satınalma bəndi var.

Bu mövsüm ingilis forvard 32 matçda iştirak edib, 11 qol vurub və 2 məhsuldar ötürmə edib. Onun müqaviləsi 2029-cu ilin ortalarına qədərdir.
 

• "Neftçi” tilsimi qıra bilmədi - YENİLƏNİB
• Hocsonun yerinə Fonseka
• Mərakeşli futbolçu 24 yaşında vəfat etdi
• İngiltərə yığmasında Millətlər Liqası öncəsi 3 itki
• “Neftçi”nin Müşahidə Şurasının iclasının vaxtı dəqiqləşdi