Qətərdə keçirilən dünya çempionatında iştirak edən Portuqaliya millisi itki ilə üzləşib.

Apasport.az saytının məlumatına görə, müdafiəçi Danilo Pereyra sıradan çıxıb.

Ayağında ağrıları olan 31 yaşlı arxa xətt oyunçusu mundialın qalan matçlarını buraxa bilər. Həkimlər PSJ-nin futbolçusunun qrup mərhələsinin son iki görüşündə komandasına kömək edə bilməyəcəyinin dəqiq olduğunu açıqlayıb. Qrup matçlarının ardından komanda mərhələ adlayarsa, Pereyra yenidən tibbi müayinədən keçəcək.

Qeyd edək ki, DÇ-2022-nin H qrupunda yer alan Portuqaliya yığması II turda bu gün Uruqvayla qarşılaşacaq. Avropa təmsilçisi ilk görüşdə Qana üzərində 3:2 hesablı qələbə qazanıb.
 

• Azərbaycanı taekvondo üzrə gənclər arasında dünya birinciliyində 15 idmançı təmsil edəcək
• "Liverpul" Kloppun yerinə iki yeni namizəd seçib
• “Qarabağ” – “Hakken” oyunu üçün METRONUN İŞ REJİMİ DƏYİŞDİRİLDİ
• Yeqor Xvalko: "Kəpəz"də nə baş verdiyini bilirəm"
• Acun Ilıcalı açıqladı: "Demək olar ki, anlaşmışıq"