“Barselona”nın hücumçusu Robert Levandovski La Liqanın II turunun “Real Sosyedad”la oyununda bir sıra statistik nailiyyətlərə imza atıb.

Apasport.az saytının məlumatına görə, komandasının 4:1 hesablı qələbəsinə dublla töhfə verən polşalı ulduz futbolçu 2009-cu ildən bəri kataloniyalıların ən erkən qolunun müəllifi olub.

1-ci dəqiqədə fərqlənən forvard eyni zamanda son 18 ildə “Barsa”nın heyətində ən erkən səfər qoluna imza atıb. Axırıncı dəfə 2004-cü ildə Xavyer Saviola hakimin start fitindən dərhal sonra fərqlənib.

Levandovski həmçinin doğum günündə dubl edən üçüncü “Barsa” oyunçusu olub. Ona qədər 1996-cı ildə Ronaldo, 1998-ci ildə isə Xulio Salinas bunu bacarıb.

Qeyd edək ki, Robert Levandovski “Barselona”ya yay fasiləsində 45 milyon avroya “Bavariya”dan keçib.

• Ruzanna Məmmədova : "17 yaşda fəxri kürsüyə qalxmaq mənim üçün böyük uğurdur”
• Sabiq “Arsenal”lı Premyer Liqa klublarının hədəfində
• Azərbaycan badmintoçusu: "Rəqibin təcrübəsi daha çoxdur"
• Pep Qvardiola: “Ümid edirəm məni qovmayacaqlar və..."
• Portuqaliya - Fransa görüşünün ən yaxşı futbolçusu bəlli olub