“Mançester Siti”də Pep Qvardiola dövrünün başa çatacağı ilə bağlı iddialar fonunda yeni baş məşqçi məsələsi gündəmə gəlib.

Apasport.az xəbər verir ki, İngiltərə nəhəngi italiyalı mütəxəssis Enzo Mareska ilə razılığa gəlib.

Fabritsio Romanonun məlumatına görə, tərəflər 3 illik müqavilə üzrə anlaşma əldə ediblər. Mareskanın mövsümün sonunda Qvardiolanı əvəzləyəcəyi gözlənilir.

Qvardiolanın klubla müqaviləsi 2027-ci ilin yayına qədər olsa da, ispaniyalı mütəxəssisin mövsümün sonunda komandadan ayrılacağı iddia olunur.

Qeyd edək ki, Enzo Mareska daha əvvəl “Mançester Siti”də Qvardiolanın köməkçilərindən biri olub. O, son olaraq “Çelsi”ni çalışdırıb.

• Rövşən Nəcəf UEFA prezidenti ilə görüşüb
• "Zirə"nin yarımmüdafiəçisi Premyer Liqada 100-cü oyuna çıxdı
• Toral Bayramovu izləyən “Qalatasaray”ın azərbaycanlısı
• "Neftçi"nin keçmiş baş məşqçisinin yeni ünvanı rəsmiləşdi
• UFC ulduzları Bakıya gəlir