Türkiyədə baş verən zəlzələyə futbol klubları da biganə qalmayıb.

Apasport.az saytının məlumatına görə, əksər dünya klubları kimi “Real” da bu yöndə addımlar atmağı planlaşdırır.

Madrid klubu zəlzələdən zərər çəkmiş insanlara yardım məqsədilə xeyriyyə oyunu keçirməyə qərar verib. Dəstək xarakterli matç İspaniya paytaxtında təşkil olunacaq. Görüşün “Real” və ya “Atletiko”nun stadionunda keçirilməsi ilə bağlı danışıqlar aparılır. 

Bir vaxtlar həm “Real”, həm də Türkiyə Super Liqasında oynamış ulduzlar Roberto Karlos və Quti də bu xeyriyyə matçında iştirak edəcək. Onların qonaq qismində dəvət alacağı, yoxsa veteran kimi meydana çıxacağı dəqiqləşməyib. Görüşlə bağlı “Atletiko”, “Rayo Valyekano” və “Xetafe” ilə də danışıqlar aparılır.
 

• Mahir Məmmədov: “Rəcəbovun az oynamağının obyektiv səbəblərini açıqlamaq istəməzdim” - MÜSAHİBƏ
• Milli komandamız “Araz-Naxçıvan”a məğlub olub
• NTD-nin baş məşqçisi: “Öz üzərimizdə işləməyə davam etməliyik“
• Lautaro Martinesə Premyer Liqadan təklif
• AFFA-nın yeni prezidenti Rövşən Nəcəf oldu - YENİLƏNİB