"Fənərbaxça" Serbiyanın "Partizan" komandasının braziliyalı hücumçusu Mateus Saldanya üçün rəsmi təklif edib.

Apasport.az xəbər verir ki, məsələ ilə bağlı klub meneceri Miloş Vazura "Teleqraf Serbiya"ya açıqlama verib.

Vazuranın açıqlamasına görə, Saldanyaya "Tuluza", "Beşiktaş" və "Fənərbaxça"dan maraq var.

Lakin Serbiya komandası yaya qədər heç bir futbolçusu ilə yollarını ayırmağı planlaşdırmır: "Mateus Saldanya transfer edilməyəcək. Türk klubunun və digər komandaların təklifləri bizi maraqlandırmır. Klub öz işini davam etdirir".

Braziliyalı futbolçu cari mövsümdə 18 liqa matçında 14 qol vurub və 5 məhsuldar ötürmə edib.

Qeyd edək ki, M.Saldanya 2023-cü ildə icarə əsasında formasını geyindiyi "Neftçi"nin heyətində yarım mövsümdə 5 qolla yadda qalmışdı. 

• İspaniya Kuboku: "Barselona" və "Real"ın rəqibləri müəyyənləşdi
• Qaxda 184 yeniyetmə cüdoçunun iştirakı ilə region birinciliyi keçiriləcək
• Azərbaycanlı idmançı fiqurlu konkisürmədə olimpia rekordunu yeniləyib - FOTO
• "Qızıl buts"un sahibi müəyyənləşdi
• Silva Kruz: "Bəlkə mən də "Neftçi"nin məşqçisi olacam və..." - Müsahibə