"Qarabağ" daha bir futbolçusu ilə bağlı qərarını verib.

Apasport.az saytının əldə etdiyi məlumata görə, ağdamlılar Patrik Andradeni komandada saxlayacaq.

Daha öncə tərəflər arasında razılıq əldə olunduğunu, yalnız müəyyən detalların qaldığını bildirmişdik.

Artıq futbolçu ilə klub bütün mövzularda ortaq məxrəcə gəliblər. Yayda müqaviləsi bitəcək kabo-verdeli ilə daha 1 illik sözləşmə imzalanacaq.

Yarımmüdafiəçinin müəyyən təklifləri olsa da, özü "Qarabağ"da qalmağa üstünlük verib.

Qeyd edək ki, Andrade 2020-22-ci illərdə Ağdam təmsilçisində çıxış edib. O, bir mövsüm "Partizan"da çıxış etdikdən sonra 2023-cü ilin yayında yenidən "Qarabağ"a qayıdıb.

• Ayxan Abbasov: “Onu əvəzləməyə gecikdik”
• “Neftçi”də kütləvi ayrılıq: Bu oyunçulardan başqa...
• Sərxan Hacıyev: “Yaxın günlərdə müəyyən qərarlar veriləcək“
• "CBC Sport"un baş redaktoru: "I Liqanın bir neçə oyununu da canlı yayımlamağı nəzərdə tutmuşuq"
• Belarus yığmasının baş məşqçisi: "Meydana qələbə üçün çıxacağıq"