Fransa Liqa1-nin XIV turunda keçirilən və yarımçıq dayandırılan “Lion” – “Marsel” oyunu ilə bağlı qərar verilib.

Apasport.az saytının məlumatına görə, Fransa Peşəkar Futbol Liqasının İntizam Komitəsi meydan sahiblərinə ağır cəza kəsib.

Noyabrın 21-də baş tutan və ev sahiblərinin azarkeşinin şüşə butulka ilə qonaqların futbolçusu Dmitri Payeni vurması nəticəsində 5-ci dəqiqədə dayandırılan görüşün boş tribunalar önündə keçirilməsi qərara alınıb. Həmçinin “Lion”un aktivindən 1 xal silinib. Payeni vuran fanata isə 6 aylıq şərti cəza verilib.

Qeyd edək ki, bu mövsüm Fransa Liqa1-də “Monpelye” “Marsel”, “Nitsa” – “Marsel”, “Anje” – “Marsel”, “Lans” – “Lill” və “Sent-Etyenn” – “Lion” oyunlarında da bənzər hadisələr yaşanıb.

• "Qalatasaray" Çalhanoğlu üçün hərəkətə keçdi
• Klopp ilk ev oyununda uduzdu – Məsuliyyəti üzərinə götürdü
• İlkay Gündoğan “Qalatasaray”da xoşbəxt deyil – Yanvarda qərar verəcək
• Messi rekordun bir addımlığında – 76-cı cərimə zərbəsi qolu - VİDEO
• İsveç millisində ciddi itki - YIĞMANIN DÜŞƏRGƏSİNDƏN AYRILDI